Shërbimet

  1. Home
  2. Shërbimet

Shërbimet

Implantet

Implantet dentare vendosen në nofullën tuaj për një zëvendësim më të qëndrueshëm dhe afatgjatë…

Kurora dhe ura

Një kurorë është një mbulesë ose “kapak” që mund të vendoset mbi një dhëmb…

Fasetat

Jeni të pakënaqur me formën, ngjyrën apo pamjen e përgjithshme të dhëmbëve tuaj?…

Maskerinat Transparente

Dëshironi të keni një buzëqeshje të bukur dhe më të drejtë, por nuk jeni të kënaqur me opsionet…

Pastrimi dentar dhe higjiena orale

Edhe me larje të rregullta të dhëmbëve dhe përdorim të fillit dentar, do të ketë gjithmonë një shtresë pllake bakteriale dhe prezencë të gurëzave përreth.

Shina Bruksizmi

Nëse i kërcisni ose i shtrëngoni dhëmbët gjatë natës (një gjendje e njohur si bruksizëm), një mbrojtëse goje e projektuar posaçërisht mund të ndihmojë…

Masat Dixhitale

Masat dixhitale përdorin teknologji të përparuar skanimi për të krijuar imazhe 3D shumë të sakta të dhëmbëve…

Shtim i kockës

Kjo është një teknikë që kërkohet kur një pacient nuk ka një sasi të mjaftueshme të kockave…

PRP

Plazma e pasur me trombocite (PRP) është një qasje e re në rigjenerimin e indeve, që përdoret për të përshpejtuar shërimin…

Ti-base dhe MUA

Ne ofrojmë zgjidhje të personalizuara për abutmentët Ti-base dhe MUA, për gjithçka nga rastet me një dhëmb të vetëm deri te…

Konturimi i mishrave të dhëmbëve

A keni pamjen e dhëmbëve të vegjël për shkak të indit të tepërt të mishit të dhëmbëve?…

Zbardhimi i dhëmbëve

Nëse mendoni se dhëmbët tuaj të çngjyrosur janë të pashpresë, ne ofrojmë zbardhjen…

Dhëmballët e pjekurisë

Ka shumë konfuzion dhe pasiguri në lidhje me dhëmballët e pjekurisë. Pyetjet më të…

Ekstraksionet (heqja e dhëmbit)

Kur dëmtimi i dhëmbit është aq i madh sa nuk mund të riparohet me mbushje, kurorë…

Protezat

Nëse ju mungojnë shumë dhëmbë për shkak të prishjes, lëndimit ose procesit natyror të plakjes…

Trajtimi i rrënjëve

Shenjat më të zakonshme që ju mund të keni nevojë për një trajtim të rrënjëve është një dhimbje…

Mbushjet

Nëse vuani nga prishja e dhëmbëve ose keni një dhëmb të copëtuar ose të plasaritur…

Silante

Edhe pse larja dhe pastrimi i plotë i dhëmbëve me fill mund të largojnë grimcat e ushqimit…

Dentistria Pediatrike

Ne e dimë se fëmija juaj mund të jetë nervoz për të shkuar te dentisti, por të ndihmojmë…

Emergjencat dentare

Ne e kuptojmë se urgjencat dentare mund të jenë stresuese. Dhe kur ato ndodhin, ne…

Ngritja e sinuseve

Nëse kirurgu ynë nuk mund të vendosë implantet tuaja dentare sepse ju nuk keni lartësi…

@2023 Gaya AMERICAN Dental

Implantet dentare vendosen në nofullën tuaj për një zëvendësim më të qëndrueshëm dhe afatgjatë.

Implantet dentare janë mënyra më e mirë për të rikthyer pamjen dhe funksionin e buzëqeshjes tuaj dhe për të parandaluar humbjen e kockave. Ata janë krijuar për t’u dukur, ndjerë dhe funksionuar si dhëmbët tuaj natyralë. Implanti forcon kockën e nofullës tuaj dhe shërben si një bazë e fortë për punën protetike të zgjedhur, e cila mund të jetë një kurorë, urë dentare ose protezë.

Kurora

Një kurorë është një mbulesë ose “kapak” që mund të vendoset mbi një dhëmb.

Një kurorë është një zgjidhje për rikthimin e një dhëmbi të dëmtuar në formën, madhësinë dhe funksionin e tij normal dhe përdoret për të mbrojtur dhëmbin ose për të përmirësuar pamjen e tij. Ato janë krijuar për t’u përshtatur mbi dhëmbët tuaj natyralë, pasi të jetë hequr pjesa e dëmtuar e dhëmbit tuaj, duke zëvendësuar në thelb të gjithë dhëmbin tuaj.

Restaurimi përfundimtar është ngjitur në vend për stabilitet dhe qëndrueshmëri shtesë. Kurorat mund të kujdesen siç do të bëni për dhëmbët tuaj normalë dhe mund të kenë një jetëgjatesi të madhe.

 

Urat

Keni humbur një ose më shumë dhëmbë? Përveçse ndikon në estetikën tuaj, një dhëmb që mungon mund të destabilizojë dhëmbët përreth dhe të shkaktojë zhvendosje ose përkeqësim të kockave të nofullës. Në këtë rast një urë dentare mund të jetë një opsion i mirë për ju. Një urë dentare përbëhet nga të paktën dy kurora në të dyja anët e një dhëmbi artificial. Urat dentare janë të fiksuara në vend, ato janë shumë estetike dhe duken po aq të bukura dhe natyrale sa dhëmbi ose dhëmbët origjinalë që ju mungojnë.

Jeni të pakënaqur me formën, ngjyrën apo pamjen e përgjithshme të dhëmbëve tuaj? Fasetat janë një opsion i shkëlqyer për një buzëqeshje të mrekullueshme.

Fasetat janë shtresa të holla me ngjyrën e dhëmbit, të cilat janë të ngjitura në pjesën e përparme të dhëmbëve tuaj. Ato janë të personalizuara dhe të prodhuara duke përdorur porcelan ose kompozite(material mbushjeje) dhe duken si dhëmbë natyralë.

Fasetat e kompozitit bëhen duke përdorur mbushje estetike e cila ngjitet me dhëmbët tuaj. Nga ana tjetër, fasetat e porcelanit janë shtresa të holla prej porcelani që vendosen në sipërfaqen e dhëmbëve tuaj natyralë. Ne ofrojmë gjithashtu faseta zirkoni që është një material jashtëzakonisht i fortë pa efektin si “të fryrë” të porcelanit tradicional. Rezistenca që kanë e bën të vështirë thyerjen ose plasaritjen e tyre. Pasi të ngjiten në vend, për fasetat mund të kujdeseni si për dhëmbët tuaj normalë dhe janë afatgjatë.

Fasetat realizohen posaçërisht për t’u dukur edhe më mirë se një buzëqeshje natyrale!

Dëshironi të keni një buzëqeshje të bukur dhe më të drejtë, por nuk jeni të kënaqur me opsionet e telave tradicionale?

Maskerinat transparent si psh : Invisalign janë të shkëlqyeshme për pacientët e rritur që kërkojnë një alternativë ndaj telave tradicionale metalike. Telat transparentë përdorin një sërë maskerinash të personalizuara, të cilët janë lehtësisht të lëvizshme dhe që prodhojnë rezultate të mahnitshme në vetëm disa muaj. Duke ofruar rezultate të shpejta dhe afatgjatë, ato janë praktikisht të padukshme dhe të rehatshme për t’u veshur.

Buzëqeshni me vetëbesim me Maskerinat tona Transparente!

Edhe me larje të rregullta të dhëmbëve dhe përdorim të fillit dentar, do të ketë gjithmonë një shtresë pllake bakteriale dhe prezencë të gurëzave përreth. Nëse ka një grumbullim pllake, atëherë rekomandohet një pastrim profesional. Pastrimi i dhëmbëve konsiston në heqjen e pllakës dhe gurëzave nga mishrat  dhe midis dhëmbëve tuaj. Në hapin tjetër, ne lustrojmë dhëmbët tuaj për të hequr njollat ​​dhe çdo pllakë të mbetur. Në fund, ne do t’ju ofrojmë informacion të plotë se si të përmirësoni zakonet tuaja në shtëpi.

Nëse i kërcisni ose i shtrëngoni dhëmbët gjatë natës (një gjendje e njohur si bruksizëm), një shinë mbrojtëse e projektuar posaçërisht mund të ndihmojë në mbrojtjen e dhëmbëve tuaj, në uljen e dhimbjes së nofullës dhe në përmirësimin e cilësisë së gjumit.

Si ndihmojnë shinat mbrojtëse për bruksizëm

Shinat tona të bruksizmit veprojnë si një jastëk midis dhëmbëve tuaj të sipërm dhe të poshtëm, duke parandaluar dëmtimin dhe duke lehtësuar presionin në nofull.

Përfitimet
•Parandalon konsumimin dhe dëmtimin e dhëmbëve
•Zvogëlon tendosjen dhe dhimbjen e nofullës
•Përmirëson gjumin duke zvogëluar zhurmën e kërcitjes dhe shqetësimin
•I lehtë, i qëndrueshëm dhe i lehtë për t’u pastruar

Flini të qetë – mbroni dhëmbët tuaj me një shinë mbrojtëse për bruksizëm.
Na pyetni për opsionet e personalizuara për përshtatjen dhe mbrojtjen më të mirë.

Masat dixhitale përdorin teknologji të përparuar skanimi për të krijuar imazhe 3D shumë të sakta të dhëmbëve dhe mishrave të dhëmbëve tuaj, duke eliminuar nevojën për masat tradicionale dhe materiale mase.

Masat dixhitale merren duke përdorur një skaner intraoral – një pajisje e vogël dore që merr mijëra imazhe në sekondë për të formuar një model të detajuar 3D të gojës suaj.

Përfitimet e Masave Dixhitale

• Përvojë e Komode: Jo më lugë të pakëndshme ose materiale ngjitëse për masën.
• Shpejtësia dhe Saktësi: Përpunim më i shpejtë për kurorat, urat, maskerinat dhe restaurimet e tjera.
• Përshtatje e Përmirësuar: Modelet precize 3D sigurojnë punime dentare që përshtaten më mirë.
• Miqësore me Mjedisin: Skedarët dixhitalë zvogëlojnë nevojën për ruajtje fizike dhe mbeturina.

Përjetoni kujdes më të shpejtë, më të pastër dhe më të saktë me masat dixhitale.

 

Kjo është një teknikë që kërkohet kur një pacient nuk ka një sasi të mjaftueshme të kockave natyrale të shëndetshme në gojën e tij ose të saj, që kërkohen për të mbështetur implantet dentare.

Kjo mungesë e kockave natyrale mund të shkaktohet nga “Defektet e zhvillimit, sëmundja e mishrave të dhëmbëve dhe dëmtimi i fytyrës ose trauma apo hapësira boshe pas heqjes së dhëmbëve”.

Kjo nuk është një proçedurë nga e cila duhet të keni frikë. Është një rutinë e rregullt dentare që është pa dhimbje dhe e parashikueshme. Një transplant kockor është thjesht hapi i parë që shumica e njerëzve do të duhet të ndërmarrin përpara se të jenë gati të shijojnë dhëmbin e tyre të bukur zëvendësues.

Plazma e pasur me trombocite (PRP) është një qasje e re në rigjenerimin e indeve, që përdoret për të përshpejtuar shërimin dhe për të përmirësuar rezultatet pas ndërhyrjeve kirurgjikale. PRP merret nga gjaku i vetë pacientit dhe përmban një përqendrim të lartë të faktorëve të rritjes që stimulojnë riparimin e indeve dhe rigjenerimin e kockave.

Përmes aplikimit të terapisë PRP në mjekësinë dentare arrihen:

  • Shërim më i shpejtë

  • Rrezik i reduktuar për infeksione

  • Reduktim të ënjtjes

Procedura aplikohet në:

  • Trajtimin me implante

  • Trajtimin periodontal

  • Heqjet e  dhëmbëve

Ne ofrojmë zgjidhje të personalizuara për abutmentët Ti-base dhe MUA, për gjithçka nga rastet me një dhëmb të vetëm deri te restaurimet me hark të plotë. Pavarësisht kompleksitetit të rastit, jemi të përkushtuar për të gjetur zgjidhjen e duhur për ju.

🔹 Abutmentët Ti-base – Idealë për restaurime të fiksuara me vidë duke ofruar një bazë të fortë dhe të qëndrueshme për kurora dhe ura.
🔹 Abutmentët MUA – Të përshtatshëm për raste me hark të plotë ose të pjerrëta, duke garantuar stabilitet, fleksibilitet protetik dhe përshtatje pasive.

Përfitoni forcë, saktësi dhe përshtatje perfekte — çdo herë.

A keni pamjen e dhëmbëve të vegjël, për shkak të indit të tepërt të mishit të dhëmbëve? Kjo është ajo që ne e quajmë “Gummy Smile”. Me konturimin e mishrave të dhëmbëve ose zgjatjen e kurorës, ne mund të rrisim madhësinë e dhëmbit ose dhëmbëve tuaj duke hequr indin e mishit të dhëmbëve. Mjekët tanë do t’ju ofrojnë një procedurë pa dhimbje dhe do t’ju shoqërojnë për proçesin e shërimit.

Nëse mendoni se dhëmbët tuaj të çngjyrosur janë të pashpresë, ne ofrojmë zbardhjen për të ndriçuar buzëqeshjen tuaj. Ka dy opsione: opsioni i parë është zbardhja e cila funksionon me një dritë për të aktivizuar xhelin zbardhues. Forma e instrumentit është e rëndësishme në kuptimin që drita mbulon një grup të tërë dhëmbësh, kështu që zbardhja ndodh menjëherë, në vend të një dhëmbi në një kohë. Ne përdorim agjentë zbardhues të nivelit profesional për të pastruar njollat ​​nga smalti juaj.

Ju prezantojmë me BEYOND II Ultra Whitening Accelerator, një produkt amerikan i njohur si mënyra më e sigurt dhe efektive për të zbardhur dhëmbët tuaj. Ai përmban një kombinim unik të dritës led me intensitet të lartë të shoqëruar me ultratinguj. Kur përdoret me xhelin tonë zbardhues, kjo promovon rezultate superiore me shkëlqim të bardhë, me një kohë të reduktuar trajtimi në krahasim me sistemet e tjera.

Opsioni i dytë është përdorimi i xhelit profesional zbardhues në një kombinim specifik dhe përsëritja e procesit 2 deri në 3 herë, e cila do të bëhet pa perdorimin e dritës.

Zbardhja e dhëmbëve është e rehatshme, e përshtatshme dhe e besueshme!

Ka shumë konfuzion dhe pasiguri në lidhje me dhëmballët e pjekurisë. Pyetjet më të zakonshme janë nëse dhe kur është e nevojshme të hiqni dhëmballët e pjekurisë. Ne jemi këtu për t’iu përgjigjur të gjitha këtyre pyetjeve dhe më shumë. Ne do të përcaktojmë nëse keni nevojë për heqjen e dhëmballës së pjekurisë dhe kur duhet ta bëni atë. Ne do të bëjmë që ju të ndjeheni të sigurt dhe komfort përgjatë vizitës suaj.

Kur dëmtimi i dhëmbit është aq i madh sa nuk mund të riparohet me mbushje, kurorë ose trajtim rrënje, mund të jetë i nevojshëm heqja e dhëmbëve. Së pari, ne sigurohemi që të bëjmë gjithçka për të shpëtuar dhëmbin tuaj përpara se të vendosim të bëjmë një ekstraksion. Ne jemi me ju në çdo hap të trajtimit dhe ofrojmë opsione qetësimi për të siguruar rehatinë tuaj gjatë gjithë procedurës.

Nëse ju mungojnë shumë dhëmbë për shkak të prishjes, lëndimit ose procesit natyror të plakjes, protezat mund të jenë zgjidhja perfekte.

Ne ofrojmë proteza të teknologjisë së lartë, të personalizuara, të cilat do të veprojnë njësoj si dhëmbët natyralë, duke rikthyer aftësinë tuaj për të buzëqeshur, folur dhe përtypur me besim. Ne ofrojmë disa opsione protezash:

  • Protezat mbi implante: për shkak se protezat mbahen të sigurta në vend nga shtylla të vogla titani, pacientët mund të kafshojnë, përtypin dhe flasin me lehtësi ashtu siç bëjnë me dhëmbët e tyre natyralë, duke shmangur tendencën për t’u zhvendosur.
  • Protezat e plota: Një opsion i shkëlqyeshëm nëse ju mungojnë të gjithë dhëmbët në nofullën e sipërme ose të poshtme.
  • Proteza të pjesshme: Nëse keni humbur vetëm disa nga dhëmbët tuaj, ky opsion do të zëvendësojë hapësirat që ruajnë vendosjen e dhëmbëve të mbetur në gojë, të cilat përndryshe mund të zhvendosen me kalimin e kohës.

Ne do t’ju ndihmojmë të krahasoni trajtimet, duke ofruar të gjithë informacionin që ju nevojitet për të marrë vendimin më të mirë për ju.

Shenjat më të zakonshme që ju mund të keni nevojë për një trajtim të rrënjëve është një dhimbje dhëmbi e vazhdueshme dhe e zgjatur që nuk largohet pas një ose dy ditësh dhe ndjeshmëria ndaj ushqimeve të nxehta dhe të ftohta, e ndjeshme kur ushtrohet presion gjatë kafshimit ose përtypjes.

Simptoma të tjera të lidhura përfshijnë çngjyrosjen e dhëmbit tuaj ose zonën përreth mishit të dhëmbëve dhe inflamacionin e mishrave të dhëmbëve pranë dhëmbit tuaj të infektuar.

Ndërsa shumë njerëz i shohin ato si “të frikshme”, ne do të sigurohemi që trajtimi i kanalit të rrënjës tuaj do të jetë më i lehtë dhe më i rehatshëm nga sa keni menduar.

Keni kavitete? Ne mund t’i rregullojmë ato.

Nëse vuani nga prishja e dhëmbëve ose keni një dhëmb të copëtuar ose të plasaritur, mos u shqetësoni. Mbushjet dentare janë të nevojshme për të rivendosur formën dhe stabilitetin e dhëmbit për lehtësinë e përtypjes dhe parandalimin e dëmtimit të mëtejshëm, prishjes dhe humbjes së dhëmbit.

Mund të keni një kavitet nëse…

  • Dhëmbët janë të ndjeshëm ndaj të nxehtit dhe të ftohtit
  • Dhimbje kur kafshoni ose përtypni
  • Irritim në njërën anë të gojës

Shumë kavitete nuk paraqesin fare simptoma. Ato mund të diagnostikohen vetëm gjatë kontrollit dentar; prandaj rekomandohet që të vizitoni dentistin tuaj çdo 6 muaj për të shmangur që problemet të bëhen më të mëdha se sa duhet. Kjo gjithashtu çon në më shumë kosto, sepse sa më i madh të jetë problemi, aq më shumë punë i nevojitet, pra kosto më e lartë.

Ne ofrojmë mbushje të bardha për të rikthyer dhëmbin tuaj në funksionin dhe formën e tij normale, duke ruajtur pamjen natyrale të buzëqeshjes suaj të bukur. Së bashku ne do tëj bëjmë zgjedhjen më të mirë për shëndetin tuaj oral dhe estetikëjn e buzëqeshjes suaj.

Edhe pse larja dhe pastrimi i plotë i dhëmbëve me fill mund të largojnë grimcat e ushqimit dhe pllakat nga sipërfaqet e lëmuara të dhëmbëve, ato nuk mund të hyjnë gjithmonë në të gjitha qoshet dhe të çarat e dhëmbëve të pasmë për të hequr ushqimin dhe pllakën. Silantet mbrojnë këto zona të ndjeshme nga prishja e dhëmbëve duke bllokuar depozitimin e pllakës bakteriale dhe ushqimit.

Ne ofrojmë trajtimin me silante për të ndihmuar në mbrojtjen e këtyre dhëmbëve të vështirë për t’u pastruar dhe parandalimin e kaviteteve. Çdokush mund të përfitojë nga një silant dentar, por ne e rekomandojmë veçanërisht këtë trajtim për pacientët tanë të vegjël.

Ne e dimë se fëmija juaj mund të jetë nervozëj për të shkuar te dentisti, por të ndihmojmë pacientët tanë më të rinj të bëhen të rritur shëndetshëm është një pikë kryesore për ekipin tonë.

Kjo do të thotë jo vetëm të bësh punë të shkëlqyer, por të krijosh një atmosferë të sigurt dhe të butë për të ndihmuar fëmijën të ketë një përvojë më të mirë. Në vizitën e tyre të parë, ne kemi një qasje pa presion. Ne na pëlqen t’u tregojmë pacientëve tanë të vegjël gjithçka që do të përdorim në një mjedis argëtues dhe jo të frikshkëm.

Mezi presim t’ju shohim të dyve!

 

Disa nga shërbimet që ne ofrojmë janë:

• Ekzaminimi dentar

• Pastrim dentar

• Fluor topikal

• Sillantë

• Lidhja

• Ortodoncia

 

NA KONTAKTONI 24/7

Ne e kuptojmë se urgjencat dentare mund të jenë stresuese. Dhe kur ato ndodhin, ne jemi këtu për të ndihmuar.

Mund të na telefononi në numrin tonë të telefonit +355 (0) 696009070 24/7 dhe ne do t’ju këshillojmë se çfarë të bëni dhe do t’ju marrim një takim menjëherë në momentin e parë të mundshëm për t’u kujdesur për problemin.

Nëse kirurgu ynë nuk mund të vendosë implantet tuaja dentare sepse ju nuk keni lartësi të mjaftueshme të kockave në nofullën e sipërme ose sinuset tuaja janë shumë afër nofullës, atëherë ai mund t’ju rekomandojë që të bëni një ngritje të sinusit.

Ngritja e sinusit mund të ndihmojë pasi rrit sasinë e kockës në nofullën e sipërme, duke shtuar kockë në hapësirën midis molarëve dhe premolarëve tuaj. Për t’i lënë vend kockës, membrana e sinusit duhet të lëvizet lart ose të ngrihet, gjë që i jep këtij lloji operacioni emrin “ngritje e sinuseve”.

Any questions? Ask in Whatsapp